Nega yaratdik?
Bir tashkilotdan boshqasiga ko‘chirilgan, hech kim o‘qimagan siyosat real ishni boshqarmaydi. Kim hisobni yopadi, maxfiy fayl qayerda saqlanadi yoki shubhali to‘lovni kim tekshiradi — bu savollarga aniq qoida kerak.
CYBERPOL / CYBER POLICY / Siyosat generatori
Qog‘ozdagi siyosatdan kundalik himoyaga.
CYBERPOL — zamonaviy kibertahdidlarga javob beradigan ichki kiberxavfsizlik siyosatini tayyorlash uchun CYBER-BRO ishlab chiqqan generator portali.
Qanday yordam beradi?
Generator kompaniyaning amaliy tajribasi asosida yaratilgan. Turli sektorlar uchun mo‘ljallangan ichki siyosat namunasi xodim, rahbar va IT jamoasining vazifalarini tushunarli qoidalarga aylantirishga yordam beradi. Tayyorlangan hujjat tashkilot jarayonlariga moslashtirilib, mas’ullar bilan tasdiqlanadi.
Davlat va xususiy tashkilotlar, biznes egalari, IT va xavfsizlik jamoalari, HR hamda moliya bo‘limlari uchun.
Amaliy vazifalar
Xodim ketdi — hisob yopildimi?
Ishdan bo‘shagan xodimning hisobi faol qolishi takrorlanuvchi xavfdir. Kirish huquqini berish, o‘zgartirish va bekor qilish tartibi hamda mas’ulini siyosatda belgilang.
Shaxsiy ma’lumot umumiy papkada emas
Pasport nusxalari va boshqa maxfiy fayllar uchun saqlash joyi, ruxsat, ulashish va o‘chirish qoidalarini aniqlashtiring. Kimga nima kerakligi amaliy vazifa bilan bog‘lansin.
«Direktor nomidan» to‘lov so‘rovi
Shoshilinch topshiriqni mustaqil aloqa kanali orqali tekshirish, to‘lovni tasdiqlash vakolati va shubhali xabarni yetkazish tartibini belgilang.
Siyosatning amaldagi egasi
Qoidani xodimga yetkazish, mas’ullarni tayinlash va jarayon yoki tahdid o‘zgarganda hujjatni qayta ko‘rib chiqish tartibi uning kundalik ishlashiga yordam beradi.
Foydalanish tartibi
- 01
Namuna tayyorlang
Generator portalida tashkilotingiz uchun ichki kiberxavfsizlik siyosatini tayyorlashni boshlang.
- 02
Moslashtiring va tasdiqlang
IT, HR, moliya va rahbariyat bilan jarayonlar, mas’ullar hamda tasdiqlash tartibini aniqlashtiring.
- 03
Ishga joriy qiling
Xodimlarga qoidalarni tushuntiring, bajarilishini tekshiring va o‘zgarishlarda siyosatni yangilang.
Biznes uchun natija
Bir xil umumiy jumlalar o‘rniga tashkilotingizda muhokama qilish, tasdiqlash va joriy etish uchun amaliy asos. Hisoblar, ma’lumotlar va to‘lov bilan bog‘liq xavflar mas’ul hamda tekshiriladigan qoida bilan bog‘lanadi.
CYBERPOL