Biz O‘zbekistonda biznes va davlat tashkilotlari uchun kiberxavfsizlikni ta’minlashga xizmat qilamiz. Hujum yo‘llarini amalda tekshiramiz, tahdidlarni tahlil qilamiz va himoyani kuchaytirish rejasini tuzamiz.
2022-yildan buyon davlat va xususiy sektor bilan ishlaymiz. Texnik topilmalarni biznesga ta’siri bilan tushuntirib, tashkilotlarga himoya ustuvorliklarini belgilashda yordam beramiz.
Offence in mind. Defence in action.
Davlat tashkilotlari va universitetlar bilan kiberxavfsizlik, amaliy ta’lim va mutaxassislar tayyorlash yo‘lida hamkorlik qilamiz.
O‘zbekiston Respublikasi Mudofaa vazirligi
O‘zbekiston Respublikasi Ichki ishlar vazirligi
O‘zbekiston Respublikasi Milliy gvardiyasi
PDP University
O‘zbekiston xalqaro islomshunoslik akademiyasi
Diplomat University
Alfraganus University
Muhammad al-Xorazmiy nomidagi Toshkent axborot texnologiyalari universiteti
Toshkent davlat iqtisodiyot universiteti
O‘zbekiston Respublikasi Jamoat xavfsizligi universiteti
O‘zbekiston Respublikasi Ichki ishlar vazirligi Malaka oshirish instituti
Xavfning biznesingizga ta’sirini tushuntiramiz va uni kamaytirish choralarini belgilaymiz. Rahbariyatga qaror uchun xulosa, texnik jamoaga esa dalillar va tuzatish yo‘lini beramiz.
Tashqi kirish nuqtasidan muhim tizimlargacha bo‘lgan hujum yo‘llarini nazoratli ssenariylarda tekshiramiz. Shu orqali jamoangiz hujumni qayerda aniqlashi va to‘xtata olishini baholaymiz.
Tekshirilgan hujum yo‘llari, himoyadagi bo‘shliqlar va ustuvor tuzatish rejasini taqdim etamiz.
Veb-ilova va kelishilgan API’larda kirish huquqlari, hisobni himoyalash va biznes mantiqini tekshiramiz. Xatolik mijoz ma’lumotlari yoki amallariga qanday ta’sir qilishini dalil bilan ko‘rsatamiz.
Zaiflik dalillari, qayta tekshirish qadamlari va dasturchilar uchun tuzatish tavsiyalarini beramiz.
Tizimlar, kirish huquqlari va xavfsizlik jarayonlarini birgalikda baholaymiz. Kamchiliklarni biznesga ta’siriga qarab tartiblab, qaysi choradan boshlash kerakligini tushuntiramiz.
Rahbariyat uchun xavf xulosasi va texnik jamoa uchun bosqichma-bosqich himoya rejasini tayyorlaymiz.
Insidentning kirish nuqtasi, rivojlanishi va ta’sir doirasini raqamli dalillar orqali tekshiramiz. Topilmalar asosida tahdidni cheklash va tizimlarni tiklash choralarini belgilashga yordam beramiz.
Hodisa ketma-ketligi, ta’sirlangan aktivlar va takrorlanish xavfini kamaytirish tavsiyalarini beramiz.
Xavfsizlik monitoringi markazini tashkil etish va rivojlantirishda yordam beramiz. Tizim jurnallari, aniqlash qoidalari va operatorlar ishini yagona hodisani ko‘rib chiqish jarayoniga bog‘laymiz.
Monitoring arxitekturasi, hodisalarni saralash tartibi va SOC’ni rivojlantirish rejasini tayyorlaymiz.
Kod va dasturiy ta’minotni chiqarish jarayonini tekshiramiz. Xavfli xatolarni erta aniqlash uchun xavfsizlik nazoratlarini dasturchilarning kundalik ishiga moslashtiramiz.
Koddagi topilmalar, tuzatish yo‘llari va ishlab chiqish jarayoniga mos nazorat nuqtalarini beramiz.
Qurilmalar, tarmoq va foydalanuvchi hisoblari himoyasini amalda baholaymiz. Nazoratli sinovlar orqali ogohlantirishlar, xavfsizlik sozlamalari va jamoangiz javob tartibini tekshiramiz.
Aniqlashdagi bo‘shliqlar, himoyani sozlash tavsiyalari va amaliy javob yo‘riqnomalarini tayyorlaymiz.
Sanoat boshqaruvi tarmoqlari, masofaviy kirish va qurilma aloqalarini tekshiramiz. Tekshiruv usullarini ishlab chiqarish jarayoni va oldindan kelishilgan texnologik cheklovlarga mos tanlaymiz.
Texnologik jarayonga bog‘langan xavflar, tarmoqni ajratish va kirishni cheklash tavsiyalarini beramiz.
Mobil ilova ma’lumotlarni qanday saqlashi, foydalanuvchini tekshirishi va server bilan bog‘lanishini baholaymiz. Natijalarni mijoz ma’lumotlari va xizmatga kirish xavflari bilan bog‘lab tushuntiramiz.
Tasdiqlangan zaifliklar, texnik dalillar va mobil dasturchilar uchun tuzatish ko‘rsatmalarini beramiz.
Tarmoq hujumlarini aniqlash va oldini olish tizimlarini tashkilotingizga mos joriy etamiz. Kuzatuv nuqtalari, aniqlash qoidalari va ogohlantirishlarni ko‘rib chiqish tartibini birga sozlaymiz.
Joylashtirish sxemasi, moslashtirilgan qoidalar va tizimni boshqarish yo‘riqnomasini topshiramiz.
Kelishilgan fishing va ijtimoiy muhandislik mashqlari orqali xodimlar tayyorgarligini baholaymiz. Shubhali xabarni tanish, xabar berish va unga javob qaytarish jarayonini yaxshilashga yordam beramiz.
Mashq natijalari, ko‘nikmalardagi kamchiliklar va ularga mos ta’lim rejasini taqdim etamiz.
Axborot xavfsizligini boshqarish tizimingizni ISO 27001 talablariga tayyorlashda yordam beramiz. Mavjud amaliyot, risklar va hujjatlarni baholab, yetishmayotgan jarayonlarni aniqlaymiz.
Tayyorgarlik xulosasi, kamchiliklar ro‘yxati va ularni bartaraf etish ish rejasini beramiz.
Moliya tashkilotingizdagi xavfsizlik amaliyotini loyiha uchun kelishilgan talablar asosida baholaymiz. Topilmalarni mijoz ma’lumotlari, operatsiyalar va xizmat uzluksizligiga ta’siri bilan tushuntiramiz.
Talablar va dalillar xaritasi, aniqlangan kamchiliklar hamda ustuvor tuzatish rejasini tayyorlaymiz.
Dasturiy komponentlarni turli va kutilmagan kirish ma’lumotlari bilan avtomatik sinaymiz. Nosozlik sababini tahlil qilib, oddiy tekshiruvda ko‘rinmaydigan xatolarni aniqlashga yordam beramiz.
Xatoni qayta keltirib chiqaruvchi namuna, sabab tahlili va dasturchilar uchun tuzatish nuqtalarini beramiz.
Qurilmaning ichki dasturi, uning tarkibiy qismlari va yangilanish mexanizmini tekshiramiz. Eskirgan kutubxonalar, saqlangan maxfiy ma’lumotlar va ruxsatsiz o‘zgartirish xavflarini baholaymiz.
Qurilmaga bog‘langan xavflar, tekshiruv dalillari va ishlab chiqaruvchi uchun himoya tavsiyalarini beramiz.
Kompaniya domenlari, brendi va hisob ma’lumotlariga tegishli sizib chiqish alomatlarini kuzatish, topilmalarni tekshirish va ustuvor javob choralarini belgilash.
IT va xavfsizlik jamoalari, elektron tijorat, moliya va shaxsiy ma’lumotlar bilan ishlovchi tashkilotlar.
Business Email Compromise xavfini baholash: pochta himoyasi, SPF/DKIM/DMARC, MFA, xodim tekshiruvi va to‘lovni qayta tasdiqlash jarayonini kelishilgan sinovlar bilan tekshirish.
Rahbariyat, moliya bo‘limi, buxgalteriya va korporativ pochta administratorlari.
Shifrlovchi zararli dasturlarga tayyorlikni baholash, zaxira va tiklanishni tekshirish. Insidentda zararlanishni cheklash, dalillarni saqlash va mavjud xavfsiz tiklash imkoniyatlarini tahlil qilish.
IT administratorlari, SOC va insidentga javob jamoalari, faoliyati uzluksizligi muhim tashkilotlar.
Vazifangizni CyberTrust orqali yuboring. Qamrov, muddat va natijalarni siz bilan kelishib, ish rejasini tayyorlaymiz.
CyberTrust’da buyurtma berishMahsulotlarimiz tashqi tahdidlarni kuzatish, qurilmalar xavfsizligini tekshirish va topilmalar asosida himoya choralarini belgilashga yordam beradi.
Biznesingizga qaratilgan tahdidlarni oldinroq ko‘ring.
Threat Intelligence orqali kompaniyangiz nomi, domenlari va hisob ma’lumotlariga bog‘liq tashqi tahdidlarni kuzatamiz. Topilmalarni tahlil qilib, jamoangiz qaysi xavfga avval javob berishi kerakligini tushuntiramiz.
Jamoangizni hujumni tushunish, himoyani tekshirish va insidentni tahlil qilishga tayyorlaymiz. Bilimni laboratoriya mashqlari bilan mustahkamlab, kurs yakunida amaliy loyiha orqali baholaymiz.
Hujum yo‘llari, API huquqlari va ilova mantiqini nazoratli laboratoriyada tekshirishni o‘rgatamiz.
Muhim signalni ajratish, aniqlash qoidalarini tuzish va hodisaga javob berishni mashq qildiramiz.
Tahdidlarni tahlil qilish, raqamli dalillarni yig‘ish va hodisa ketma-ketligini tiklashni o‘rgatamiz.
Kod, kutubxonalar va dasturiy ta’minotni chiqarish jarayoniga xavfsizlik tekshiruvlarini kiritishni o‘rgatamiz.
Alohida mutaxassislar va korporativ jamoalar uchun tayyorgarlik darajasiga mos dastur tanlaymiz.
Vazifangizni yozing — murojaatingizni ko‘rib chiqib, siz bilan bog‘lanamiz. Muhim tizimlar, mavjud xavflar va kutilayotgan natijani aniqlab, mos yechimni taklif qilamiz.
Vaziyatni qisqacha yozing. Murojaatingizni ko‘rib chiqib, keyingi qadamlarni kelishish uchun siz bilan bog‘lanamiz. Parol yoki maxfiy fayl yubormang.
