CITIZENSEC – Cyber threat intelligence platform
Cyber threat intelligence platform CITIZENSECURITY
Ushbu tizim “Citizen” (fuqarolar) va “Security” (xavfsizlik) so’zlarining birlashmasi sifatida, kiberxavfsizlikni ta’minlaydigan, foydalanuvchilarni himoya qilishga va tezkor xabardor qilishga qaratilgan tizim vazifasini bajaradi.
Kiber tahdidlarni oldindan nazorat qiling, aniqlang va xujumni bartaraf eting!
Kengaytirilgan Dark Web monitoringi sizning tashkilotingiz kiberxavfsizlik infratuzilmasi uchun juda muhim bo’lib, internetning qorong’u sarhadlaridagi potensial xavflarning to’liq ko’rinishini ochib beradi. Bu imkoniyat sizga real vaqt rejimida monitoring qilish, shaxsiy identifikatsiya qilinadigan ma’lumotlarga (PII) ta’sir qilish holatlarini kuzatish va tahdid qiluvchilarning zararli harakatlarini aniqlash imkonini beradi. Ushbu xizmat tashkilotga xavflarni jiddiy xavfsizlik intsidentlariga aylanmasdan oldin kamaytirishga imkon beruvchi proaktiv qarorlar qabul qilishni osonlashtirishga qaratilgan.
Tahdidlarni tahlil qilish (Threat Intelligence) platformasi kiberxavfsizlik bo‘yicha ma’lumotlarni yig‘ish, tahlil qilish va ulardan foydalangan holda tizimlarni himoya qilishga yordam beruvchi yechimdir. Bu platformalar global va mahalliy tahdidlar to‘g‘risidagi ma’lumotlarni jamlab, foydalanuvchilarga real vaqt rejimida xavf-xatarlarni aniqlash va ularga qarshi choralar ko‘rish imkoniyatini taqdim etadi.
Tahdidlarni tahlil qilish platformasi bir necha bosqichda ishlaydi. Birinchi bosqichda u ommaviy va xususiy ma’lumot manbalaridan tahdidlar haqidagi ma’lumotlarni to‘playdi. Xavfli domenlar, zararli dasturlar, IP-manzillar, zaifliklar va boshqa tahdid indikatorlarini kuzatib boradi. Keyingi bosqichda sun’iy intellekt va avtomatlashtirilgan tizimlar yordamida to‘plangan ma’lumotlar tahlil qilinadi va xavflar baholanadi. Ushbu tahlil natijasida tahdidlar korxona infratuzilmasi bilan solishtiriladi va aynan tegishli tahdidlarni aniqlash imkoniyati yaratiladi.
Aniqlangan xavflarga qarshi choralar ko‘rish uchun platforma real vaqt rejimida ishlaydi va potentsial tahdidlarni baholab, avtomatik ogohlantirishlar yuboradi. Shu bilan birga, himoya choralari bo‘yicha tavsiyalar ishlab chiqiladi va ularni amalga oshirish uchun zarur jarayonlar avtomatlashtiriladi. Platforma xavfsizlik tizimlari bilan integratsiyalashgan holda ishlaydi, jumladan SIEM, SOAR, NGFW, EDR kabi tizimlar bilan uzviy bog‘lanadi va avtomatik reaktsiya mexanizmlarini soddalashtiradi.
Bu yechimning bir nechta muhim afzalliklari mavjud. Birinchidan, platforma potensial tahdidlarni hujum amalga oshishidan avval aniqlash va bloklash imkonini beradi. Ikkinchidan, xavfsizlik bo‘limi xodimlariga ishonchli va tahlil qilingan ma’lumotlar taqdim etiladi, bu esa samarali qaror qabul qilishga yordam beradi. Uchinchidan, xavfsizlik jarayonlarini avtomatlashtirish hisobiga vaqt va resurslar tejaladi. Platforma turli xavfsizlik tizimlari bilan moslashuvchan integratsiya imkoniyatiga ega bo‘lib, umumiy xavfsizlik darajasini oshirishga xizmat qiladi.
Tahdidlarni tahlil qilish platformasi zamonaviy tahdidlarni samarali boshqarish, real tahdidlar haqida xabardorlikni oshirish va muhim axborotni himoya qilish uchun zarur vositadir. Ushbu texnologiya kiberxavfsizlikni mustahkamlash va tashkilotlarni murakkab kiberhujumlardan himoya qilish uchun keng qo‘llaniladi.
“CITIZENSEC” Kiber razvedka natijalariga ko’ra, internetda O’zbekiston fuqarolariga tegishli bo’lgan 10 milliondan ortiq shaxsiy ma’lumotlar mavjud.
CTI orqali aniqlangan tahdidlar haqidagi birinchi hisobotni yuklab oling va tanishing.
