CYBER-BRO kompaniyasi kiberxavfsizlik sohasidagi xizmatlarni milliy va xalqaro standartlar asosida ko’rsatadi. Jamoamizda ko’p yillik tajribaga ega O’zbek mutaxassislari faoliyat ko’rsatishadi. Xodimlarimiz malakasini doimiy oshirishlari uchun o’quv safarlari, turnirlar va xalqaro sertifikatlar bilan ta’minlanadi. Faoliyatimiz davomida biz asosiy urg’uni O’zbekiston kibersarhadlariga qaratamiz va kibermakondagi tahdidlarni monitoring qilamiz, aniqlaymiz va faol xujumlardan tashkilot va tegishli organlarni xabardor qilamiz. Biz bir qator xalqaro standartlar asosida xizmatlar ko’rsatamiz, ammo bizning boshqalardan ustunligimiz, o’zimizning xujum va himoya ssenariylariga ega ekanligimizda. Unikal va takrorlanmas taktikalarimiz orqali har qanday tashkilotning o’ta kuchli kiberxujumlarga bardoshliligi tekshiriladi va xulosa qilinadi. Aniqlangan ojizliklarni bartaraf etishdan tashqari biz o’z hamkorimiz bilan kelishgan holda, xizmatlarimizdan tashqari barcha uchun kibergigiena bo’yicha bepul o’quv mashg’ulotlarini o’tkazamiz. Bu o’z o’rnida komplekt auditdan so’ng, xodimlar mavjud himoya kiber qalqonlarini mustahkam saqlashiga yordam beradi. Hamkorlarimiz bilan doimiy 24×7 aloqada bo’lamiz va favqulotda insident yoki kiberxujum bo’lganda birinchilardan bo’lib yordamga shoshilamiz.

Zamonaviy kiber akademiyamizda esa tashkilotlar talabiga ko’ra o’quv kurslarini ishlab chiqamiz va offlayn yoki onlayn holatida tashkillashtirib beramiz. Xar bir xizmatlarimiz so’rov asosida individual shakllantiriladi, biz faqat natija va sifat uchun bunday talablarni joriy qilganmiz, chunki bu sohadagi chala va malakasiz amalga oshirilgan har qanday ish juda katta zarar keltirib chiqarishi mumkin. Biz sohaning har bir etapidagi hodisalarga jiddiy mas’uliyat bilan qaraymiz, chunki sohaning qanchalik jiddiy ekanligini kibersarhadlarimizdagi kiberjinoyatchi guruhlar harakatini o’rganish orqali sezamiz. Kiberxavfsizlik haqidagi qonun va mas’ul tashkilotlarning qarorlari asosida faoliyat yuritamiz va O’zbekiston respublikasi qonunchiligiga qat’iy amal qilamiz. Shiorimiz – “Xavfsiz sarhadlar sari” biz bilan birga, chunki kiber sarhadlarimiz xavfsizligini malakali milliy kadrlarimiz ta’minlashadi. Maqsadimiz esa O’zbekistonning suverenitetini kiber makonda ham mustahkam ximoyalash va saqlash! Qadriyatlarimiz har qanday agressiv kibertahdidlarga qarshi kurashishga, ularni oldindan aniqlashga va kiberjosuslik, kiberterrorizm harakatlarini sodir etishga qarshilik ko’rsatishga qodir. Millat manfaatini ko’zlab bir jamoaga yig’ilgan mutaxassislar, “xaker” va shunchaki o’z sohasining ustalari doim yordamga tayyor.